სომხეთის სახელმწიფო საინფორმაციო სააგენტო „Armenpress”-სა და საქართველოს ახალი ამბების სააგენტო „ჯი-ეიჩ-ენ“-ს შორის კიდევ უფრო გაღრმავდა ურთიერთთანამშრომლობის პრესპექტივები. 23 აგვისტოს, „Armenpress”-ის დირექტორმა, არამ ანანიანმა „ჯი-ეიჩ-ენ“-ის დირექტორს თეიმურაზ ჭუმბურიძეს უმასპინძლა.
სააგენტოების ხელმძღვანელებმა არსებულ და დაგეგმილ ღონისძიებებში მიღწეული შედეგები განიხილეს და სამომავლო თანამშრომლობის პერსპექტივებზე ისაუბრეს.
„ჩვენი საინფორმაციო სააგენტოების თანამშრომლობა იმის წინაპირობაა, რომ დამეგობრებულ ქვეყნებს შორის გაღრმავდეს ურიერთობა. „ჯი-ეიჩ-ენი“ და „არმენპრესი“ გააგრძელებენ მჭიდრო თანამშრომლობას მთელ რიგ ეკონომიკურ, კულტურულ და ტურისტულ საკითხებში. სააგენტოები აქტიურად დაუჭერენ მხარს დაგეგმილი ღონისძიებების საინფორმაციო დისტრიბუციას. ასეთი ტიპის შეხვედრები საშუალებას მოგვცემს ვისაუბროთ მედიის თანამედროვე გამოწვევებზე. ეს კი ახალი იდეების გენერირების საუკეთესო საშუალებაა“- განაცხადა ანანიანმა
„სხვადასხვა ასპექტის გათვალისწინებით, საინფორმაციო სააგენტობის აქტიური თანამშრომლობა ძალიან მნიშვნელოვანია. ინფორმაციის გაცვლა, გამოცდილებისა და პრაქტიკის გაზიარება დაგვეხმარება მარტივად გავუმკლავდეთ გამოწვევებს და გავაუმჯობესოთ ინფორმაციის გავრცელების შესაძლებლობები“- განაცხადა ჭუმბურიძემ
