მორიგი ინციდენტი ესპანეთში. ალიკანტეს პროვინციაში ყალბნომრიანი ავტომობილი პოლიციის მანქანას დაეჯახა. ავტომობილის მძღოლი შემთხვევის ადგილიდან მიიმალა. როგორც შინაგან საქმეთა სამინისტროს წარმომადგენლები აცხადებენ, საეჭვო ავტომობილი მათ ქალაქის გარეუბანში შენიშნეს, რის შემდეგაც ისინი ეჭვმიტანილს დაედევნენ, მძღოლმა გაქცევა სცადა და დევნისას საპატრულო მანქანას დაეჯახა. თვითმხილველების თქმით, ისმოდა სროლის ხმაც. პოლიცია ეჭვმიტანილს ამ დრომდე ეძებს.
