რუსეთის დუმის საერთაშორისო საქმეთა კომიტეტის თავმჯდომარე კონსტანტინე კოსაჩოვი დარწმუნებულია, რომ რუსეთი არ არის მონაწილე საქართველოსა და სამხრეთ ოსეთს შორის არსებული კონფლიქტისა. ეს განცხადება კოსაჩოვმა დღეს გააკეთა.
"რუსეთი არ არის მონაწილე საქართველოსა და სამხრეთ ოსეთს შორის არსებული კონფლიქტისა, თუმცა საქართველოს ხელისუფლება ცდილობს იგი სწორედ ასეთად წარმოაჩინოს. ამასთან ერთად იგი უარყოფს ამ პროცესში რეალური მხარის არსებობას _ ეს არის სამხრეთ ოსეთის მოსახლეობა. და ის რის შესახებაც გუშინ საუბრობდა რუსეთის მთავრობის თავმჯდომარე, არის ერთადერთი წინ წამწევი რეალური საშუალება, რომელიც კონფლიქტის საბოლოო დარეგულირებას ბოლომდე უზრუნველყოფს", _ აცხადებს კონსტანტინე კოსაჩოვი.
მისივე თქმით, ამ კონფლიქტის დარეგულირება შესაძლებელია მხოლოდ იმ ფორმულის საფუძველზე რომელიც ერთნაირად იქნება მისაღები საქართველოს, ე.წ. სამხრეთ ოსეთის და აფხაზეთის მოსახლეობისათვის.
"დარწმუნებული ვარ, რომ ასეთი ფორმულას, როგორიც არ უნდა იყოს იგი რუსეთმაც და აშშ-მაც და სხვა ქვეყნებმაც უნდა დაუჭირონ მხარი, მათ ვისაც კავკასიაში მშვიდობა სურთ", _ აცხადებს კონსტანტინე კოსაჩოვი.
