საგარეო საქმეთა მინისტრის პირველი მოადგილის გიგა ბოკერიას შეფასებით, ძალიან არაკორექტულია, როცა ერთი ქვეყნის დიპლომატი სხვა ორი ქვეყნის ურთიერთობების შეფასებს აკეთებს. ამის შესახებ კომენტარი გიგა ბოკერიამ დღეს გამართულ პრესკონფერენციაზე რუსეთის ფედერაციის საგარეო საქმეთა მინისტრის სერგეი ლავროვის განცხადებაზე გააკეთა.
"მიმაჩნია, რომ ძალიან არაკორექტულია სხვა ქვეყნის დიპლომატისგან სხვა ორი ქვეყნის ურთიერთობებზე შეფასების გაკეთება. თუმცა, ამავე დროს ჩვენ ძალიან კარგად დღეში ვიქნებოდით მხოლოდ ეს რომ იყოს პრობლემა რუსული დიპლომატიიდან და არ კეთდებოდეს ბერად უფრო მძიმე და არაკორექტული განცხადებები", - აღნიშნა ბოკერიამ.
მისივე შეფასებით, აშშ-საქართველოს შორის გაფორმებული სტრატეგიული თანამშრომლობის ქარტია ეს არ არის მხოლოდ ქაღალდი, ეს არის ფუნდამენტი და გამოვლინება იმ მრავალწლოვანი თანამშრომლობისა, რომელიც აშშ-სა და საქართველოს აკავშირებთ.
"ეს არ არის ერთი ხელისუფლების ან ადმინისტრაციის კუთვნილება ეს არ ის ძალიან დიდ მონაპოვარი რაც აქვს საქართველოს. ეს არის საქართველოს მრავალპარტიული მხარდაჭერა ორპარტიული შეერთებული შტატებისა. კერძოდ, კი ამ ადმინისტრაციის. ეს არის მთავარი ჩარჩო, რომელიც უსაფრთხოების, ეკონომიკური თანამშრომლობის, რეფორმების და ხალხთა შორის ურთიერთობას მოიცავს და სწორედ ამ საკითხებზე ვისაუბრეთ გუშინ აშშ-ის სახელმწიფო მდივანთან შეხვედრაზე", - აღნიშნა ბოკერიამ.
შეგახსენებთ, რომ რუსეთის საგარეო საქმეთა მინისტრმა სერგეი ლავროვმა აშშ- საქართველოს შორის სტრატეგიული თანამშრომლობის ქარტიას ძველი ადმინისტრაციის გადმონაშთი უწოდა.
