ამიერიდან სახელმწიფოს საკუთრებაში არსებული საძოვრები ადგილობრივი თვითმმართველობის ნაცვლად უშუალოდ ცენტრალური მთავრობის ბალანსზე გადმოვა.
როგორც პარლამენტის იურიდიულ საკითხდა კომიტეტის თავმჯდომარის პირველი მოადგილემ ლაშა თორდია განმარტავს, აღნიშნული ცვლილება გამოწვეულია იმით, რომ სახელმწიფო ერთიან სტრატეგიას ამუშავებს.
"რამდენიმე წლის წინ ცალკეული საძოვრების განკერძოება მოხდა, რამაც ადგილობრივი მოსახლეობის უკმაყოფილება გამოიწვია. ჩვენ გადაწვყვიტეთ, რომ სახელმწიფო საკუთრებაში არსებული საძოვრები გადმოვიტანოთ უშუალოდ ცენტრალური ხელისუფლების დაქვემდებარებაში, რადგან მიგვაჩნია რომ ცენტრალური ხელისუფლება უფრო კარგად მართავს მას", - განაცხადა ლაშა თოდრიამ.
როგორც საფინანსო-საბიუჯეტო კომიტეტის თავმჯდომარე ზურაბ მელიქიშვილი აცხადებს, დღემდე სახელწმიფო საკუთრებაში არსებული საძოვრები ადგილობირვი მმართველობის ბალანსზე ირიცხებოდა.
"ეს ცვლილება არ შეიძლება გავიგოთ ისე, რომ ადგილობრივი ხელისუფლება მის მართვას ვერ ახორციელებდა. უბრალოდ ადგილზე ხშირად იყო გაუგებრობები, როდესაც ერთი ადგილობრივი თვითმმართველობა მეორე ადგილბრივი თვითმმართველობის მცხოვრებს ამ საძოვარის მოხმარების საშუალებას არ აძლევდა, რაც საბოლოოდ ბევრ გაუგებრობას და პრობლემებს ქმნიდა. სწორედ ამიტომ, გადაწყდა რომ ეს საძოვრები ცენტრალური ხელისუფლების მფლობელობაში გადომვიდეს, რათა ეს გაურკვევლობები აღმოიფხვრას", _ განაცადა ზურაბ მელიქიშვილმა.
