26 წლის თავდამსხმელი, რომელიც 9 აგვისტოს დილას ავტომანქანით სამხედროებს დაეჯახა, წარმოშობით ალჟირელია. ამის შესახებ პარიზის პოლიცია იტყობინება. ოფიციალური ინფორმაციით, თავდამსხმელი დღემდე სპეცსამსახურების მეთვალყურეობის ქვეშ არ ყოფილა. დაკავებისას მან 5 ცეცხლნასროლი ჭრილობა მიიღო და ამჟამად საავადმყოფოში იმყოფება. თავდასხმა გუშინ დილით ლაველუა-პერეს რაიონში განხორციელდა. შედეგად 5 სამხედრო მოსამსახურე დაშავდა.
