დღეს, 6 ივლისს, 13:00 საათზე, "ბილაინის" გენერალური დირექტორი ანდრეი პიატახინი აბონენტთა მომსახურების ახლად გახსნილ ოფისში (ვაჟა-ფშაველას 26/28) "ბილაინის" აქციაზე ისაუბრებს.
"ბილაინი" თბილისის ბავშვთა სახლთან ერთად აწყობს საქველმოქმედო აქციას "ნათელი ფერები ბავშვებს". აქციის განმავლობაში, 6 ივლისიდან 6 აგვისტოს ჩათვლით, "ბილაინის" ნებისმიერი ახალი აბონენტი, რომელიც მობილურ ტელეფონს "ბილაინისგან" ან სასტარტო პაკეტს "ბილაინის" ახლად გახსნილ აბონენტთა მომსახურების ოფისში შეიძენს, საქველმოქმედო აქციის მონაწილე გახდება.
მობილური ტელეფონის ღირებულებიდან 1 ლარი, ხოლო ნებისმიერი სასტარტო პაკეტიდან 50 თეთრი გადაერიცხება თბილისის ბავშვთა სახლს და მოხმარდება სამხატვრო სახელოსნოს მოწყობას.
აქციის დეტალებზე ბილაინის გენერალური დირექტორი ანდრეი პიატახინი აბონენტთა მომსახურების ახლად გახსნილ ოფისში (ვაჟა-ფშაველას 26/28) ისაუბრებს.
"ბილაინის მიერ ორგანიზებული საქველმოქედო აქცია განკუთვნილია ბავშვებისთვის, ვისაც ყველაზე მეტად სჭირდება ჩვენი მზურნველობა, მახარებს ის ფაქტიც, რომ აქციაში ჩართვა ბილაინის ნებისმიერ ახალ აბონენტს შეეძლება. იმედი გვაქვს, ისინიც სიამოვნებით მიიღებენ მონაწილეობას ბილაინის ახალ წამომწყებაში. "ნათელი ფერები ბავშვებს" არ იქნება ერთჯერადი ღონისძიება და ყველა ჩვენი ახალი ოფისი მზრუნველობამოკლებული ადამიანების დახმარებისკენ მიმართული აქტივობებით გაიხსნება", - განაცხადა პიატახინმა.
