რუსეთი უკრაინაში დესტაბილიზაციის შესატანად კანონიერ ქურდებს აგზავნის. ამის შესახებ უკრაინის ეროვნული პოლიციის უფროსმა სერგეი კნიაზევმა განაცხადა.
„ბოლო პერიოდში ბორისპოლის აეროპორტში არაერთი კრიმინალური ავტორიტეტი დავაკავეთ. ერთ-ერთმა მათგანმა, რეზო ბუხნიკაშვილმა, მეტსახეად პეცომ დაკითხვაზე აღიარა, რომ ის უკრაინაში სპეციალური მისიით ჩამოვიდა. ბოლო 7 თვის განმავლობაში უკრაინაში რუსეთიდან 29 კანონიერი ქურდი გამოგვიგზავნეს,“-აღნიშნა კნიაზევმა.
