ოკუპირებულ აფხაზეთში რუსეთის პრეზიდენტის ვიზიტის გამო ნატო მწუხარებას გამოთქვამს და მიიჩნევს, რომ მსგავსი ვიზიტები კონფლიქტის დარეგულირების ძალისხმევას ხელს უშლის. საგანგებო განცხადება ალიანსის ოფიციალური წარმომადგენლის მოვალეობის შემსრულებელმა დილან უაითმა გააკეთა.
„ვლადიმერ პუტინის ვიზიტი საქართველოს რეგიონში შეიარაღებული კონფლიქტის მეცხრე წლისთავზე ზიანს აყენებს საერთაშორისო ძალისხმევას, კონფლიქტი მშვიდობიანი გზით მოგვარდეს“, - განაცხადა უაითმა.
