საქართველოს ყოფილი პრეზიდენტისა და ოდესის ყოფილი გუბერნატორის, მიხეილ სააკაშვილის განცხადებას იმის შესახებ, რომ უკრაინის საგარეო საქმეთა მინისტრს რუსული პასპორტი აქვს, პაველ კლიმკინი სოციალურ ქსელ „ტვიტერით“ გამოეხმაურა.
„ზოგიერთებისგან განსხვავებით, პასპორტების კოლექციას არ ვაგროვებ და არც ვცრუობ. ჩემი სამშობლო იყო, არის და იქნება უკრაინა. მე აქედან არასდროს წავალ,“-აღნიშნა კლიმკინმა.
მანამდე სააკაშვილმა სოციალურ ქსელ "ფეისბუკში“ დაწერა, რომ უკრაინის პირველ დიპლომატს რუსეთის პასპორტი აქვს და ისიც მოქალაქეობის ჩამორთმევის კანდიდატი უნდა იყოს.
