"ეს ვიზიტი უნდა განიხილებოდეს მთლიანად ტურნეს კონტექსტში, ეს ტურნე კი მთლიანად მოსკოვისკენ იყო მიმართული. კლინტონმა მოინახულა ის ქვეყნები, რომლებზე გავლენის პრეტენზიაც მოსკოვს აქვს. ამდენად, კლინტონმა ამ ვიზიტის ფარგლებში მკაფიოდ გაუსვა ხაზი იმ პრობლემებს, რომელთა მეშვეობითაც რუსეთი ამ ქვეყნებზე გავლენის მოპოვებას ცდილობს. მაგალითად: აზერბაიჯანსა და სომხეთზე - ყარაბაღის პრობლემა, საქართველოსთან - აფხაზეთისა და ცხინვალის რეგიონის პრობლემები. ამ საკითხების ანალიზის დროს კლინტონმა მკვეთრი, მკაფიო პოზიცია დააფიქსირა. ამავე დროს განაცხადა, რომ ამერიკისთვის რუსეთთან თანამშრომლობა აუცილებელია და ის ცდილობს იყოს კონსტრუქციული, თუმცა ეს კონსტრუქციულობა პრინციპულობის ხარჯზე არ უნდა მოხდეს. კლინტონმა საქართველოს მაგალითზე აჩვენა, რომ აშშ-ისთვის კომპრომისების პოლიტიკა უკან დახევის პოლიტიკას არ ნიშნავს", - განაცხადა "ჯი-ეიჩ-ენთან" საუბარში საყვარელიძემ.