დღეს, 13:00 საათზე, ნიუ-იორკში, გაერო-ს შენობასთან, საქართველოს მოქალაქეები მშვიდობიან საპროტესტო აქციას გამართავენ და რუსეთის ოკუპაციას გააპროტესტებენ, - ამის შესახებ ორგანიზატორების მიერ გავრცელებულ განცხადებაშია ნათქვამი.
მათივე ინფორმაციით, ისინი წუთიერი დუმილით საქართველოს ტერიტორიული მთლიანობისათვის დაღუპულ გმირებს მიაგებენ პატივს.
„გაერო-ს შენობასთან მშვიდობიანი საპროტესტო აქციის მოწყობა იგეგმება, რითაც საქართველოს საოკუპაციო ზოლთან მიმდინარე აქციის პარალელურად, რუსეთის ფედერაციის მხრიდან უწყვეტ რეჟიმში წარმოებულ მცოცავ ოკუპაციას გავაპროტესტებთ. ასევე, წუთიერი დუმილით პატივს მივაგებთ საქართველოს ტერიტორიული მთლიანობისათვის დაღუპულ გმირებს“, - აღნიშნულია აქციის ორგანიზატორების მიერ გავრცელებულ ინფორმაციაში.
