ავსტრიის დედაქალაქ ვენაში, ადგილობრივი დროით 19:00 საათზე, ვენის სახელმწიფო ოპერის გვერდით, ქართველი სტუდენტებისა და ემიგრანტების ორგანიზებით ანტისაოკუპაციო აქცია - "შენს სახლამდე 400 მეტრია" - გაიმართა.
აქცია მიზნად ისახავდა, გაეპროტესტებინა რუსეთის იმპერიალისტული პოლიტიკა საქართველოში, პატივი მიეგოთ საქართველოს ერთიანობისთვის დაღუპული გმირებისათვის და შეეხსენებინა საერთაშორისო საზოგადოებისთვის, რომ საქართველოს ტერიტორიის 20% რუსეთის მიერ ოკუპირებულია და ეს პროცესი დღესაც გრძელდება მცოცავი ოკუპაციის სახით.
ქართველების გარდა, ანტისაოკუპაციო აქციაში მონაწილეობა მიიღეს მათმა უცხოელმა მეგობრებმაც.
