ცნობილი რუსი მილიარდერი რომან აბრამოვიჩი ცოლს შორდება. განქორწინების შესახებ მან და მისმა მეუღლემ დარია ჟუკოვამ დღეს განაცხადეს. „10 წლიანი თანაცხოვრების შემდეგ არცთუ ადვილი გადაწყვეტილება მივიღეთ, თუმცა მეგობრებად დავრჩებით. ჩვენ ერთმანეთთან ორი არაჩვეულებრივი ბავშვი და ერთობლივი პროექტები გვაკავშირებს,“-ნათქვამია წყვილის ოფიციალურ განცხადებაში. ქორწინებიდან მათ 7 წლის აარონი და 4 წლის ლეია ჰყავთ.
