საქართველოს პარლამენტის საპროცედურო საკითხთა კომიტეტის თავმჯდომარე, ხათუნა გოგორიშვილი აშშ-ის სახელმწიფო მდივანთან შეხვედრით კმაყოფილია. მისი თქმით, სხვა მნიშვნელოვან საკითხებთან ერთად განსაკუთრებული ყურადღების ღირსია 2 საკითხი, რომლის შესახებაც კლინტონმა ისაუბრა. გოგორიშვილის განცხადებით, კლინტონმა კიდევ ერთხელ უწოდა ოკუპირებული ტერიტორიები აფხაზეთსა და ცხინვალის რეგიონს და აღნიშნა, რომ აშშ საქართველოს ნატოში გაწევრიანებას მხარს დაუჭერს.
"ძალიან მნიშვნელოვანი იყო ორი საკითხი, რომლის შესახებაც კლინტონმა ისაუბრა. 1-ელი ეს იყო საქართველოს ინტეგრაცია ნატოში და ამ მიმართულებით კლინტონის განცხადებით, საქართველოს აშშ-ის მხარდაჭერა ექნება და მეორე საკითხი - კლინტონი აფიქსირებს ტერმინ ოკუპაციას რუსეთის მიერ საქართველოს ოკუპირებულ ტერიტორიებთან დაკავშირებით, რასაც მნიშვნელოვანი დატვირთვა აქვს", - განაცხადა ხათუნა გოგორიშვილმა
