სპეციალურმა პროკურორმა რობერტ მიულერმა, რომელიც რუსეთთან ტრამპის ადმინისტრაციის კავშირებს იძიებს, ნაფიც მსაჯულთა ჟიური მოიწვია. ამის შესახებ „ვალ სტრიტ ჯორნალი“ იტყობინება. დიდი ჟიურის მოწვევით მიულერს საშუალება მიეცემა, მოწმეები დაიბაროს. ნაფიც მსაჯულთა კოლეგია შეაფასებს, თუ რამდენად სერიოზულია მტკიცებულებები იმისათვის, რომ ეჭვმიტანილთა წინააღმდეგ სისხლის სამართლის საქმე აღიძრას, თუმცა ჟიური არ წვეტს, დამნაშავეა თუ არა მოპასუხე მხარე. დონალდ ტრამპი რუსეთთან კავშირს დღემდე კატეგორიულად უარყოფს და ბრალდებებს შეურაცხმყოფელს უწოდებს.
