ავსტრალიელი მედდა კამბოჯაში დააპატიმრეს. მას ბრალად იმ კლინიკაში მუშაობა ედება, სადაც არალეგალური სუროგაციის ფაქტები გამოავლინეს. 49 წლის ტამი დევის-ჩარლზი შუამავლის როლს ასრულებდა და დოკუმენტაციას აყალბებდა. ერთ-ერთი წყვილისგან ავსტრალიელმა ექთანმა 70 ათასამდე დოლარი მიიღო, საიდანაც კამბოჯელ სუროგატ დედას 12 ათასი დოლარი გადაუხადა. უცხოელ მედდასთან ერთად დაკავებულია მისი ორი ადგილობრივი ასისტენტიც. ბრალდებულებს წლინახევრიანი პატიმრობა შეუფარდეს.
