რუსული მხარე სააგენტო როიტერის მიერ გავრცელებულ ინფორმაციას იმის შესახებ, რომ მოსკოვი სირიაში დაღუპული თანამოქალაქეების რეალურ რაოდენობას მალავს, კატეგორიულად უარყოფს. საგანგებო განცხადება თავდაცვის სამინისტროს ოფიციალურმა წარმომადგენელმა იგორ კონაშენკოვმა გააკეთა. მისი თქმით, სააგენტო არასარწმუნო წყაროზე დაყრდნობით ავრცელებს ინფორმაციას, რაც სავარაუდოდ დაინტერესებული მხარეების დაკვეთით ხდება. მანამდე როიტერმა გაავრცელა ინფორმაცია, რომ სირიის კონფლიქტში რუსეთის ჩართვის შემდეგ საბრძოლო მოქმედებებისას რუსეთის 40-მდე მოქალაქე დაიღუპა.
