თვითგამოცხადებული დონეცკის სახალხო რესპუბლიკის ლიდერი ალექსანდრე ზახარჩენკო, კორუფციის დანაშაულისთვის უმაღლესი ხარისხის დასჯის ზომის შემოღების ინიციატივით გამოდის.
"მე ამაზე დიდი ხანია ვფიქრობდი და უახლოეს მომავალში ვაპირებ გავამკაცრო კანონი კორუფციულ დანაშაულზე. თქვენ იცით რომ უკვე მიღებულია ბრძანება აუცილებლობის შემთხვევაში სიკვდილით დასჯის შესახებ, სამართლიანობის აღდგენისთვის. ვფიქრობ, კორუფციაც ჩაითვლება ამ სახის დანაშაულად", - განაცხადა ზახარჩენკომ.
მისი თქმით, მან უკვე გაიარა ე.წ. დონეცკის სახალხო რესპუბლიკის კომისიასთან კონსულტაციები. ზახარჩენკოს თქმით, აზრები ზოგიერთ ნიუანსებზე გაიყო, მაგრამ საერთო პოზიცია მაინც ერთია.
