პენტაგონმა და სახელმწიფო დეპარტამენტმა უკრაინისთვის ლეტალური იარაღის მიწოდების გეგმა უკვე შეიმუშავეს. ამის შესახებ გამოცემა „ვალ სტრიტ ჯორნალი“ წერს. საუბარია ტანკსაწინააღმდეგო რაკეტებსა და სხვა სახის შეიარაღებაზე, რომელიც უკრაინას რუსული აგრესიის შეჩერებაში უნდა დაეხმაროს. „ვალ სტრიტ ჯორნალის“ მიერ გავრცელებულ ინფორმაციაზე ვაშინგტონში ოფიციალური კომენტარი ჯერ არ გაუკეთებიათ.
