დიდი ბრიტანეთისა და ევროკავშირის მოქალაქეთა თავისუფალი გადაადგილება 2019 წლის მარტში შეწყდება, ამის შესახებ დიდი ბრიტანეთის პრემიერ-მინისტრ ტერეზა მეის კანცელარია იტყობინება. როიტერის ცნობით, კანცელარიის წარმომადგენელმა განაცხადა, რომ ლონდონი ამზადებს წინადადებებს, რომლებიც დიდ ბრიტანეთში ევროკავშირის მოქალაქეთა უფლებებს ეხება.
ევროკავშირიდან დიდი ბრიტანეთის გასვლის თაობაზე მოლაპარაკებების პირველი რაუნდი 20 ივლისს შედგა. ამ მოლაპარაკებების შემდეგ ევროკავშირის წარმომადგენელმა, მიშელ ბარნიემ განაცხადა, რომ მხარეებმა ვერ მოახერხეს კომპრომისის მიღწევა. მოლაპარაკებების მორიგი რაუნდი აგვისტოს ბოლოსთვისაა დაგეგმილი.
