პოპულარული სერიალის, „სამეფო კარის თამაშების“ ახალი, მეშვიდე სეზონის სცენარი ჰაკერების ხელში აღმოჩნდა. ამის შესახებ გამოცემა "ნიუ იორკ ტაიმსი" იტყობინება. გავრცელებული ინფორმაციით, ჰაკერებმა ჯამში 1.5 ტერაბაიტის მოცულობის მასალა მოიპარეს. მოპარული ინფორმაციიდან, ჰაკერებმა მე-7 სეზონის მეოთხე სერიის სცენარი ინტერნეტში უკვე გამოაქვეყნეს და დანარჩენი სერიების სცენარების გავრცელებითაც იმუქრებიან.
