პოლონეთის პრეზიდენტმა ანჯეი დუდამ კანონს ეროვნული სასამართლო საბჭოსა და უზენაესი სასამართლოს შესახებ ვეტო დაადო. ამის შესახებ პოლონეთის პრეზიდენტის კანცელარიის ხელმძღვანელმა ტვიტერში დაწერა. საქმე პოლონეთის სენატის მიერ მხარდაჭერილ კანონპროექტს ეხება, რომელიც სასამართლო რეფორმას ითვალისწინებდა და რომელმაც ქვეყნის მასშტაბით საპროტესტო გამოსვლები გამოიწვია. პრეზიდენტის განკარგულებით დოკუმენტი სეიმში ხელახალი განხილვისთვის გადაგზავნეს.
