რუსეთში ამერიკული დიპლომატიური მისიის თანამშრომელთა რაოდენობა 455-მდე შემცირდება. ამის შესახებ კრემლის ლიდერმა ვლადიმერ სოლოვიევისთვის მიცემულ ინტერვიუში განაცხადა. „ამერიკული დიპლომატიური მისია 755 ადამიანით შემცირდება და ზუსტად იმდენივე იქნება, რამდენიც რუსეთს ჰყავს აშშ-ში,“-აღნიშნა პუტინმა.
ვლადიმერ პუტინის თქმით, მოსკოვის ეს გადაწყვეტილება იმით აიხსნება, რომ ამერიკულმა მხარემ „არაფრისგან გამოწვეული ნაბიჯი გადადგა რუსეთ-ამერიკის ურთიერთობის გასაუარესებლად“.
„ჩვენ საკმაოდ დიდ ხანს ველოდით, რომ შესაძლოა რამე უკეთესობისკენ შეიცვლებოდა, ჩვენ გვქონდა ამის იმედი. მაგრამ თუკი შეიცვლება, ეს მალე არ მოხდება. ჩავთვალე, რომ ჩვენ უნდა ვაჩვენოთ, რომ უპასუხოდ არაფერს დავტოვებთ“, - დასძინა რუსეთის პრეზიდენტმა.
