ჩრდილოეთ კორეასთან დაკავშირებით არა საუბარი, არამედ კონკრეტულ ქმედებებზე გადასვლაა საჭირო. ამის შესახებ გაეროში აშშ-ის მუდმივმა წარმომადგენელმა ნიკი ჰეილიმ განაცხადა.
„ჩინეთმა იცის, რომ კონკრეტული მოქმედებაა საჭირო. ფხენიანზე ზეწოლა უნდა გააძლიერონ იაპონიამ და სამხრეთ კორეამაც. ჩრდილოეთ კორეა მხოლოდ ამერიკის პრობლემა არ არის. ის საერთაშორისო პრობლემაა,“-აღნიშნა დიპლომატმა.
