მიუხედავად იმისა, რომ პრემიერმინისტრი აღარ არის, უკრაინის მთავრობას მაინც იაცენიუკი მართავს. ამის შესახებ ოდესის ყოფილმა გუბერნატორმა მიხეილ სააკაშვილმა „უკრაინსკაია პრავდასთვის“ მიცემულ ინტერვიუში განაცხადა. „მე ყველაფერს ვაკეთებდი იმისთვის, რომ იაცენიუკი მომეშორებინა და ამ საქმეში გადამწყვეტი როლი ვითამაშე, მაგმამ ჩემი შეცდომა იყო ის, რომ ეს საპარლამენტო არჩევნებამდე არ გავაკეთეთ. საბოლოოდ ოლიგარქებს შორის მოლაპარაკება შედგა. პრემიერად გროისმანის დანიშვნის შემდეგ უკრაინას თავის ისტორიაში ყველაზე უცნაური მთავრობა ჰყავს. იაცენიუკის გუნდმა კომპენსაცია მიიღო იმის გამო, რომ პრემიერი გროისმანია. გროისმანი იაცენიუკისგან მუდმივად იღებს კონსულტაციებს. პრაქტიკულად, მთავრობას ისევ იაცენიუკი მართავს,“-აღნიშნა სააკაშვილმა.
