სოჭის მცხოვრებლები ანიკ კესიანი და მარინა ჯანჯღავა, რომლებიც სახელმწიფო ღალატის ბრალდებით იყვნენ გასამართლებულნი, რუსეთის პრეზიდენტმა შეიწყალა. პუტინის განკარგულება კრემლის ვებ-გვერდზე გამოქვეყნდა. გადაწყვეტილება ძალაში 10 დღეში შევა. კესიანი და ჯანჯღავა 2008 წელს საქართველოს მიმართულებით რუსული სამხედრო ტექნიკის გადაადგილების შესახებ ქართველ მეგობართან გამოგზავნილი სმს შეტყობინების გამო დააპატიმრეს. ჯანჯღავას 2014 წელს 12 წლიანი პატიმრობა მიუსაჯეს, კესიანს კი 2015 წელს თავისუფლება 8 წლით აღუკვეთეს.
