აშშ-ის მაღალი თანამდებობის გენერლები აცხადებენ, რომ პენტაგონის პოლიტიკა არმიაში ტრანსგენდერების ყოფნის მიმართ ჯერჯერობით არ შეიცვლება. აშშ-ის შტაბების უფროსთა გაერთიანებული კომიტეტის თავმჯდომარემ ჯოზეფ დანფორდმა განაცხადა, რომ პრეზიდენტის კონკრეტული მითითებამდე არაფერი იცვლება.
ასეთი მითითების არსებობას არ ადასტურებს არმიის შტაბის უფროსი მარკ მილი.
აშშ-ის პრეზიდენტმა, დონალდ ტრამპმა 26 ივლისს განაცხადა, რომ ტრანსგენდერი ადამიანები ვერ იმსახურებენ „ვერც ერთ თანამდებობაზე“ აშშ-ის არმიაში.
„ჩემს გენერლებთან და სამხედრო ექსპერტებთან კონსულტაციის შემდეგ, გთხოვთ რჩევად იღოთ და გაითვალისწინოთ, რომ შეერთებული შტატების მთავრობა არ დაუშვებს ან ნებას არ დართავს ტრანსგენდერ ინდივიდებს იმსახურონ რაიმე თანამდებობაზე შეერთებული შტატების არმიაში. ჩვენი სამხედრო ძალები ფოკუსირებული უნდა იყვნენ გადამწყვეტ და უძლეველ გამარჯვებაზე და არ უნდა იყვნენ დატვირთულნი აურაცხელი სამედიცინო ხარჯებისა და დესტრუქციისგან, რასაც არმიაში ტრანსგენდერები შეიძლება იწვევდნენ“, -განაცხადა ტრამპმა.
სხვადასხვა მონაცემებით, მათი რაოდენობა აშშ-ის არმიაში 1500-დან 3000-კაცამდე მერყეობს.
ბს.
