მოსკოვმა აშშ-ის საელჩოს სასაწყობე ნაგებობებით და აგარაკებით სარგებლობა აუკრძალა. ამის შესახებ ინფორმაციას ,,რია-ნოვოსტი“ ავრცელებს. გამოცემის ინფორმაციით, იმ შემთხვევაში, თუკი პრეზიდენტი შესაბამის გადაწყვეტილებას ხელს მოაწერს, შეზღუდვა ძალაში 1 აგვისტოდან შევა.
აშშ-ის სენატმა რუსეთის, ირანისა და ჩრდილოეთ კორეის წინააღმდეგ ახალ სანქციებზე კანონი მიიღო. კანონს მხარი 98 -მა სენატორმა დაუჭირა, ორი კი წინააღმდეგ წავიდა. ამავე კანონპროექტით, პრეზიდენტი დონალდ ტრამპი ვერ შეძლებს მოსკოვისთვის სანქციების შემსუბუქებას კონგრესის თანხმობის გარეშე.
მოსკოვი სანქციების პირობებში თავშეკავებით და მოთმინებით იმოქმედებს, თუმცა გარკვეულ მომენტში მას მოუწევს პასუხი გასცეს მსგავს „თავხედობას“, - განაცხადა რუსეთის პრეზიდენტმა ვლადიმირ პუტინმა პრესკონფერენციაზე, რომელიც 27 ივლისს გაიმართა ფინეთის პრეზიდენტ საული ნიინისტესთან შეხვედრის შემდეგ.
