რუსეთის პრეზიდენტმა დიმიტრი მედვედევმა შორეულ აღმოსავლეთში რუსეთის სახელმწიფო საზღვრის კეთილმოწყობის ბრძანების გაცემისას მაგალითად კავკასია მოიყვანა.
რუსეთის პრეზიდენტმა განაცხადა, რომ "ბოლო დროის განმავლობაში რუსეთის სახელმწიფო საზღვრის კეთილმოწყობისთვის და მისთვის ახალი და თანამედროვე იერის მიცემისათვის ბევრი რამ გაკეთდა, მაგრამ ყველივე ეს კავკასიის მიმართულებით კეთდებოდა. იქ გაკეთდა ბევრი და შედეგიც სახეზეა", _ განაცხადა მედვედევმა.
"უნდა შეიქმნას თანამედროვე საზღვარი,¸თანამედროვე საკონტროლო-გამშვები პუნქტები და ამავდროულად უნდა გადაწყდეს მესაზღვრეთა სოციალური საკითხები. ეს ისე უნდა გაკეთდეს, როგორც კავკასიაში კეთდებოდა", _ განაცხადა რუსეთის პრეზიდენტმა და დასძინა, რომ უნდა იყოს ახალი, ნორმალური საცხოვრებელი და სამსახურის პირობებიც ნორმალური უნდა იყოს, იმიტომ რომ ეს საპასუხისმგებლო და მნიშვნელოვანი სამუშაოა.
