მიხეილ სააკაშვილთან დაპირისპირებული უკრაინელი ბიზნესმენი იგორ კოლომოისკი მიიჩნევს, რომ სააკაშვილისთვის საქართველოს მოქალაქეობის ჩამორთმევა სამარცხვინო ლაქაა სახელმწიფოსთვის, - ამის შესახებ უკრაინული ტელეარხი 1+1 აცხადებს.
„სააკაშვილისთვის მოქალაქეობის ჩამორთმევა სამარცხვინო ლაქაა ჩვენი სახელმწიფოსთვის. უფრო სამარცხვინო კი ის არის, რომ მიუხედავად ევროპისკენ მისწრაფებისა, ეს მოხდა „საუკეთესო“ საბჭოურ სტილში. მხოლოდ ისტორია განსჯის, დადებითი გმირია თუ არა ის უკრაინისთვის“, - აღნიშნავს კოლომოისკი და დასძენს, რომ თუ მას ოდესმე მოქალაქეობას ჩამოართმევენ, სააკაშვილის კომპანიაში ერთად ყოფნა მისთვის საპატიო იქნება.
შეგახსენებთ, ოდესის ოლქში ექსპრეზიდენტ მიხეილ სააკაშვილსა და უკრაინის ყველაზე გავლენიან ოლიგარქს, მილიარდერ იგორ კოლომოისკის შორის დააპირისპირების დიდი ტალღა აგორდა. კოლომოისკიმ 2015 წელს განაცხადა, რომ სააკაშვილი სულ მალე ოდესას კრემლს ჩააბარებდა და საკუთარ ტელეარხ "1%1"-ზე სააკაშვილის წინააღმდეგ პროპაგანდისტული ფილმიც გაუშვა.
ოდესის გუბერნატორის თანამდებობიდან გატავისუფლების შემდეგ, სააკაშვილმა პირობა დადო, რომ როდესაც უკრაინაში ხელისუფლებაში მოვა, დნეპროპეტროვსკის ყოფილ გუბერნატორს, ბიზნესმენს იგორ კოლომოისკის დააპატიმრებს.
