საქართველოს მთავრობამ "ნეშენალს გეოგრაფს" მიმართა თხოვნით, რათა მისი რუკებიდან ე.წ. სამხრეთ ოსეთის ამოღებული იყოს როგორც ცალკე _ დამოუკიდებელი სახელმწიფო.
როგორც რეინტეგრაციის საკითხებში სახელმწიფო მინისტრი თემურ იაკობაშვილი აცხადებს, რომ ნეშენალ გეოგრაფში უკვე გაიგზავნა მიმართვა, რათა მან არსებული ხარვეზი გამოასწოროს.
"ჩვენ მიმართვა უკვე გავაგზავნეთ და მათგან პირობა მივიღეთ რომ არსებული ხარვეზები დროულად გამოწორდება", _ განაცხადა იაკობაშვილმა.
სახელმწიფო მინისტრის თქმით, ეს ყველაფერი რუსეთის ინტერესებს უკავშირდება.
"ეს ყველაფერი ხდება იმტომ რომ არსებობს ქვეყანა სახელად რუსეთი, რომელიც ყოველმხრივ ცდილობს სადაც კი ხელი მიუწვდება რომ საქართველოს ტერიტორიული მთლიანობის ეროზია გამოიწვიოს", - აცხადებს სახელმწიფო მინისტრი.
