პრემიერ-მინისტრმა ნიკა გილაურმა ახალი უწყების სპორტისა და ახალგაზრდულ საქმეთა სამინისტროს ხელმძღვანელი თანამშრომლებს წარუდგინა.
პრემიერმა განაცხადა, ამ მიმართულებით ცალკე სამინისტროს შექმნა სწორი გადაწყვეტილება იყო.
"ახალი უწყების ახალ ხელმძღვანელს ყველა იცნობს. მან იცის იმ პრობლემების შესახებ, რომელიც დეპარტამენტში არსებობს და იმედი მაქვს, რომ ამ საქმეს წარმატებით გაართმევს თავს", - განაცხადა ნიკა გილაურმა.
პრემიერმა მადლობა გადაუხადა ლადო ვარძელაშვილს იმ სამუშაოსთვის, რომელიც მან შიდა ქართლის მხარეში პრეზიდენტის რწმუნებულის პოსტზე გაწია.
თავად ლადო ვარძელაშვილმა კი განაცხადა, რომ სპორტისა და ახალგაზრდულ საქმეთა დეპარტამენტში ბევრი ღვაწლმოსილი და გამოცდილი თანამშრომელია.
