აშშ-ს სახელმწიფო მდივანი ჰილარი კლინტონი კრაკოვში ჩავიდა. მოსალოდნელია, რომ ჰილარი კლინტონი და მისი პოლონელი კოლეგა, საგარეო საქმეთა მინისტრი რადოსლავ სიკორსკი ამერიკული რაკეტსაწინააღმდეგო სისტემების ელემენტების განთავსების შესახებ შეთანხმებას კრაკოვში ხელს დღეს მოაწერენ.
ამას გარდა, აშშ-ს სახელმწიფო მდივანი პოლონეთში ყოფნისას ასევე განიხილავს სხვა და სხვა პროექტებს, რომლებიც პოლონეთში სულ ახალახანს აღმოჩენილი ბუნებრივი აირის საბადოებს ეხება. ვრცელდება ინფორმაცია იმის შესახებაც, რომ თუ ამგვარი საბადოების არსებობამ გაამართლა, ეს მთლიანობაში შეცვლის სიტუაციას ევროპის ენერგომომარაგების საკითხში, რომელიც ამჟამად ძლიერაა დამოკიდებული რუსეთზე.
ჰილარი კლინტონი კრაკოვში კიევიდან ჩავიდა. ამის შემდეგ აშშ-ს სახელმწიფო მდივანი აზერბაიჯანს, სომხეთსა და საქართველოს ესტუმრება.
