აშშ არ ეთანხმება რუსეთის პოლიტიკას საქართველოსთან მიმართებაში. ამის შესახებ აშშ-ს სახელმწიფო მდივანმა ჰილარი კლინტონმა კიევში ნაციონალურ ტექნიკურ უნივერსიტეტში სტუდენტებთან შეხვედრისას განაცხადა.
"ჩვენ კვლავინდებურად არ ვეთანხმებით იმას რასაც ისინი (რუსეთი. რედ.) აკეთებენ საქართველოში", - განაცხადა ჰილარი კლინტონმა.
მან ასევე აღნიშნა, რომ ვაშინგტონს აშფოთებს რუსეთის დამოკიდებულება ადამიანის უფლებების დამცველებისა და ჟურნალისტებისადმი.
"ამის მიუხედავად, აშშ კვლავინდებურად აგრძელებს თანამშრომლობას რუსეთის ფედერაციასთან, რადგან კომპლექსური ურთიერთობების მშენებლობა ორივე ქვეყნის ინტერესებს შეესაბამება", - განაცხადა ჰილარი კლინტონმა.
