ხვალ, 3 ივლისს, 20:00 საათზე მერაბ ბერძენიშვილის სახელობის ცენტრ "მუზაში" საქველმოქმედო საღამო გაიმართება, რომლის ორგანიზატორები არიან რადიო "კომერსანტის" და ფონდი "ხელოვანები თანადგომისთვის".
როგორც "ჯი-ეიჩ-ენს" ღონისძიების ორგანიზატორებმა აცნობეს, პროექტის ფარგლებში საგანგებოდ ქართული ბიზნესისთვის ფოტოგამოფენა-გაყიდვა "იპოვე შენი ბრენდი ქართველი ფოტოგრაფების ობიექტივში" მოეწყობა.
საქველმოქმედო აქციიდან შემოსული თანხა მთლიანად აგვისტოს ომის შედეგად დაზარალებული ბავშვების დასვენებას მოხმარდება.
ღონისძიებაშ მონაწილეობას ქართული ბიზნესის და შოუ-ბიზნესის 150-მდე წარმომადგენელი მიიღებს.
გამოფენაზე ცნობილი ფოტოხელოვანის იური მეჩითოვის სკოლის მოსწავლეების ირაკლი დოლიძის, ლევან კინწურაშვილის და ზურაბ ქართველიშვილის ფოტოები იქნება გამოფენილი.
პროექტის მხარდამჭერია - კულტურის და ძეგლთა დაცვის სამინისტრო.
პროექტის მუსიკალურ გაფორმებას უზრუნველყოფს ნიკა მემანიშვილის ბენდი. საკუთარი პროდუქციით სტუმრებს გაუმასპინძლდება კომპანია "შუმი".
