თურქეთში დაკავებები გრძელდება. პოლიციამ ტეკირდაგის პროვინციაში ფეთულა გიულენთან კავშირში ეჭვმიტანილი 115 ადამიანი დააკავა. დაკავების ორდერი კიდევ 14 ადამიანზეა გაცემული. მასობრივი დაკავებები თურქეთში 2016 წლის 15 ივლისის არშემდგარი სამხედრო გადატრიალების შემდეგ დაიწყო, რომლის ორგანიზებაშიც ანკარა ქვეყნიდან დევნილ სასულიერო ლიდერს, ფეთულა გიულენს ადანაშაულებს. ერთი წლის განმავლობაში თურქეთში ასობით ათასი ადამიანი დააკავეს ან სამსახურიდან დაითხოვეს.
