„ისლამური სახელმწიფოს“ ლიდერი აბუბაქრ ალ-ბაღდადი სავარაუდოდ ცოცხალია და რაქას გარეუბანში აფარებს თავს. ამის შესახებ ერაყის შსს-ს ტერორიზმთან ბრძოლის დეპარტამენტის ხელმძღვანელმა აბუ ალი ალ-ბასრიმ განაცხადა. ალ-ბაღდადის დაღუპვის შესახებ ინფორმაცია გასულ კვირას ერაყულმა ტელეარხმა „სუმარია ნიუსმა“ გაავრცელა. მანამდე კი რუსეთის თავდაცვის სამინისტრომ ივარაუდა, რომ ისლამისტთა ლიდერი 28 მაისს რაქაში რუსულ ავიაიერიშს ემსხვერპლა.
