ნასვამ მდგომარეობაში მანქანის მართვისათვის ჯარიმის გამკაცრება ძალაში 1-ლი აგვისტოდან შევა. მანამდე კი პარლამენტის თავმჯდომარე მედიას განსაკუთრებული თხოვნით მიმართავს, რომ აღნიშნული საკითხი მაქსიმალურად გაშუქდეს, რათა საზოგადოებამ გაიგოს ის ცვლილებები, რაც კანონში შევა. ამის შესახებ განცხადება დავით ბარქაძემ დღეს რიგგარეშე სესიაზე ადმინისტრაციულ სამართალდარღვევათა კოდექსში" ცვლილების შეტანის პროექტის მესამე მოესმენით განხილვისას გააკეთა.
როგორც კანონპროექტის ავტორმა პავლე კუბლაშვილმა აღნიშნა, მთავრობასთან შეთანხმებით მიღებულია გადაწყვეტილება რომ აღნიშნული ცვლილებები ძალაში 1-ლი აგვისტოდან შევა.
შეგახსენებთ რომ კანონპროექტით იზრდება ჯარიმების ოდენობა რიგი ადმინისტრაციული სამართალდარღვევებისათვის. მათ შორის, სატრანსპორტო საშუალების მთვრალ მდგომარეობაში მართვისთვის, ღვედის გამოუყენებლობისთვის, ალკოჰოლური, ნარკოტიკული ან ფსიქოტროპული სინქრონის დასადგენად შემოწმების თავის არიდებისთვის, შუქნიშნის დაუმორჩილებლობისთვის და ა.შ.
"ჩვენი მიზანი არ არის ვინმეს დასჯა. მიზანი არის ადამიანის სიცოცხლის დაცვა. ჩვენ ამ ინიციატივით გვინდა რომ შევამციროთ ის მსხვერპლი, რაც სიმთვრალის და სხვა წესების დარღვევების გამო გზებზე ხდება",'- განაცხადა ბაქრაძემ.
