თავდასხმა ეგვიპტეში. დანით შეიარაღებული მამაკაცი საკურორტო ქალაქ ჰურგადას ერთ-ერთ სასტუმროში შეიჭრა და 6 უცხოელი ტურისტი დაჭრა. 2 მათგანის გადარჩენა ექიმებმა ვეღარ შეძლეს. სააგენტო როიტერის ინფორმაციით, გარდაცვლილები უკრაინის მოქალაქეები არიან, ინტერნეტ-პორტალ ალ მასრის ცნობით კი თავდასხმას სერბეთისა და პოლონეთის მოქალაქეები ემსხვერპლნენ. პოლიციის ინფორმაციით, თავდამსხმელი სასტუმროს ტერიტორიაზე ახლომდებარე პლაჟიდან შეიპარა. სამართალდამცველებმა მისი დაკავება შეძლეს. თავდასხმის მოტივი ამ დრომდე უცნობია.
