აშშ-ის პრეზიდენტმა, ბარაკ ობამამ ირანის წინააღმდეგ ამერიკელი სენატორების მიერ მომზადებული სანქციების ახალი პაკეტი დაამტკიცა. ამის შესახებ "ბი-ბი-სი" იუწყება.
აღნიშნული სანქციები, იმ ამერიკული და საერთაშორისო კომპანიების ეხება, რომლებიც ირანთან ბუნებრივი აირის და ნავთობის ყიდვა-გაყიდვის ბიზნესს აწარმოებენ, ასევე ბანკებს, რომლებიც ისლამურ სახელმწიფოს კრედიტებს აძლევენ.
ირანელი პარლამენტარების განცხადებით, მათ აღნიშნული სანქციები არ აშინებთ, რადგან ეს მხოლოდ ამერიკულ კომპანიებს დააზარალებთ.
"ირანი აშშ-ის მიერ დაკისრებული სანქციებით არ დაზარალდება, ამით მხოლოდ ამერიკული კომპანიები იზარალებენ", - განაცხადა ირანის პარლამენტის ეროვნული უსაფრთხოების კომიტეტის ხელმძღვანელმა ალაედინ ბორუჯერდიმ.
შეგახსენებთ, რომ ბოლო პერიოდში ორ ქვეყანას შორის ურთიერთობა კვლავ დაძაბულია. ირანისა და აშშ-ის დაპირისპირების საგანს ირანის ბირთვული პროგრამა წარმოადგენს. მიუხედავად შეერთებული შტატებისა და მსოფლიო თანამეგობრობის წინააღმდეგობისა, თეირანი ურანის გამდიდრებას კვლავ აგრძელებს.
