საქართველოს ტერიტორიული მთლიანობის და სუვერენიტეტის დაცვის საკითხი ევროპის საბჭოსთვის გამოკვეთილი პრინციპს წარმოადგენს. ამის შესახებ ევროპის საბჭოს მინისტრთა კომიტეტის თავმჯდომარემ ანტონიო მილოშოსკიმ საქართველოს საგარეო საქმეთა მინისტრთან გრიგოლ ვაშაძესთან შეხვედრის დასრულების შემდეგ განაცხადა.
"ხაზგასმით მინდა აღვნიშნო, რომ საქართველოს ტერიტორიული მთლიანობის და სუვერენიტეტის დაცვის საკითხი ჩვენთვის გამოკვეთილ პრინციპულ საკითხს წამოადგენს", - აღნიშნა ანტონიო მილოშოსკიმ.
ამასთან, ევროპის საბჭოს გენერალური მდივანის ტორბიორნ იაგლანდის განცხადებით, რუსეთმაც და საქართველომაც ნაკისრი ვალდებულები უნდა შეასრულოს და ორ ქვეყანაში შორის არსებული ვითარების მოგვარებაში ევროსაბჭო აქტიურად არის ჩართული.
შეგახსენებთ, რომ დღეს საქართველოს ევროპის საბჭოს გენერალური მდივანი და მინისტრთა საბჭოს თავმჯდომარე ეწვივნენ, რომელთაც პირველი შეხვედრა საქართველოს საგარეო საქმეთა მინისტრ გრიგოლ ვაშაძესთან გამართეს. ასევე დაგეგმილია შეხვედრები რეინტეგრაციის საკითხებში სახელმწიფო მინისტრთან თემურ იაკობაშვილთან, ლტოლვილთა და განსახლების მინისტრთან კობა სუბელიანთან, პარლამენტის თავმჯდომარე დავით ბაქრაძესთან.
სტუმრები ვიზიტის ფარგლებში ოკუპაციის მუზეუმს ეწვევიან. ამასთან, ევროსაბჭოს ხელმძღვანელები საქართველოს პრეზიდენტს მიხეილ სააკაშვილსაც შეხვდებიან.
