კიევში რადასთან მიმდინარე აქციაზე აქციის მონაწილეებსა და პოლიციას შორის შეტაკება მოხდა. სამართალდამცველებმა აქციის დასაშლელად ცრემლსადენი გაზი გამოიყენეს. პარალელურად, ბლოკირებულია რადას ტრიბუნაც. "სამოპომოშის", "სლობოდის" და "ბატკივშინას" წარმომადგენლები დეპუტატ მიხაილ დობკინისთვის სადეპუტატო იმუნიტეტის მოხსნას მოითხოვენ. დეპუტატი ეჭვმიტანილია სამსახურებრივი უფლებამოსილების ბოროტად გამოყენებასა და თაღლითური სქემით ხარკოვის რაიონში 75 ჰექტარი მიწის მითვისებაში.
