რუსეთის ტურიზმის ფედერალური სააგენტო თანამოქალაქეებს აფხაზეთში კრიმინალური ვითარების გაუარესების შესახებ აფრთხილებს. როსტურიზმი რუსეთის მოქალაქეებს მოუწოდებს, აფხაზეთში ყოფნისას მაქსიმალური სიფრთხილე გამოიჩინონ, იზოლირებულ ადგილებზე ყოფნისგან თავი შეიკავონ და ადგილობრივ მცხოვრებლებთან კონფლიქტებს ერიდონ. ანალოგიურ განცხადებას აკეთებს აფხაზეთის არაღიარებულ რესპუბლიკაში მოქმედი რუსეთის საელჩოც. უსაფრთხოების ზომების მიღება მას შემდეგ გახდა საჭირო, რაც გუდაუთაში 11 ივლისს რუსი ტურისტი მოკლეს. მკვლელების დაკავება ამ დრომდე ვერ ხერხდება.
