მეორე მსოფლიო ომის დროინდელი ენიგმას საშიფრი მანქანა 45 ათას ევროდ გაიყიდა. მანქანა რუმინეთის ერთ-ერთმა მოქალაქემ რამდენიმე წლის წინ ძველმანების ბაზრობაზე 100 ევროდ გაყიდა, ისე, რომ მისი რეალური ღირებულება არც იცოდა. საშიფრი მანქანა ვერმახტის კოდირებული გზავნილების გადასაცემად და მისაღებად გამოიყენებოდა. ბუქარესტის აუქციონზე ნივთის საწყისი ფასი 9 ათასი ევრო იყო, თუმცა ლოტი უცნობმა კოლექციონერმა 45 ათას ევროდ შეიძინა. ენიგმას გზავნილების გაშიფვრა მეორე მსოფლიო ომის დროს ბრიტანულ ცენტრში მოხერხდა, რამაც ზოგიერთი ისტორიკოსის აზრით, ომის ხანგრძლივობა თითქმის ორი წლით შეამცირა.
