იტალია ერაყს პოლიციის მომზადებაში დაეხმარება. ამის შესახებ ქვეყნის თავდაცვის მინისტრმა რობერტა პიმოტიმ ვაშინგტონში ვიზიტისას განაცხადა. მისივე თქმით, სტაბილიზაციის პროცესში ჩართვას იტალიას ერაყის პრემიერ-მინისტრი სთხოვს. პირველ რიგში, საუბარია ქალაქ მოსულზე, რომელიც ისლამისტთა ტყვეობისგან გასულ კვირას გათავისუფლდა. ადგილობრივი სამართალდამცველების მოსამზადებლად იტალია ერაყში კარაბინიერთა მისიის გაგზავნას აპირებს.
