აშშ-ის პრეზიდენტი ვაჟიშვილის გულახდილობითა და გამჭვირვალობით აღფრთოვანებულია. ტრამპის განცხადება ჟურნალისტებს თეთრი სახლის პრეს-მდივნის მოადგილემ სარა სანდერსმა გააცნო.
„ჩემი ვაჟი მაღალი კატეგორიის ადამიანია. აღფრთოვანებული ვარ მისი ტრანსფარენტულობით,“-აცხადებს თეთრი სახლის ლიდერი.
სკანდალური ელექტრონული მიმოწერა რუს იურისტ ნატალია ვესელნიცკაიასთან შეხვედრის შესახებ უმცროსმა ტრამპმა დღეს დილით გამოაქვეყნა. მიმოწერიდან ირკვევა, რომ ის პრეზიდენტობის ყოფილ კანდიდატ ჰილარი კლინტონზე კომპრომატების მოპოვებით არის დაინტერესებული.
მანამდე გამოცემა New York Times-მა გამოაქვეყნა ინფორმაცია იმის შესახებ, რომ ტრამპის ვაჟისა და კრემლთან დაახლოვებულ ვესელნიცკაიას შეხვედრა ნიუ იორკში 2016 წლის ივნისში შედგა. ტრამპის ვაჟს კლინტონზე კომპრომატების გადაცემას დაჰპირდნენ.
