აშშ-ის სენატის დაზვერვის კომიტეტი ტრამპის ვაჟიშვილისგან ყველა იმ დოკუმენტს ითხოვს, რომელიც რუს იურისტ ნატალია ვესელნიცკაიასთან შეხვედრას ეხება. ამის შესახებ სააგენტო Reuters იტყობინება. ოფიციალურ მოთხოვნას უმცროსი ტრამპი სენატისგან უახლოეს ხანებში მიიღებს. მანამდე ტრამპის ვაჟმა სოციალურ ქსელ ტვიტერში ელექტრონული მიმოწერა გაასაჯაროვა, რომელიც ვესელიცკაიასთან შეხვედრას ეხება. ერთ-ერთ წერილში ის პრეზიდენტობის ყოფილ კანდიდატ ჰილარი კლინტონზე მაკომპრომენტირებელ ინფორმაციას ითხოვს. გასულ კვირას New York Times-მა გამოაქვეყნა ინფორმაცია იმის შესახებ, რომ ტრამპის ვაჟისა და ვესელნიცკაიას შეხვედრა ნიუ იორკში 2016 წლის ივნისში შედგა, რასაც კრემლის პრეს-მდივნის კომენტარი მოჰყვა. დიმიტრი პესკოვმა განაცხადა, რომ კრემლში ვესელნიცკაიას საერთოდ არ იცნობენ.
