მეცნიერებმა დაადგინეს კიდევ ერი მიზეზი იმისა, თუ რატომ არ უნდა იარონ მამაკაცებმა საყიდლებზე - ამან, შესაძლოა, მამაკაცებში იმპოტენცია გამოიწვიოს.
აღნიშნული მიზეზი ეხება მხოლოდ იმ სუპერმარკეტებსა და მაღაზიებს, სადაც საკასო აპარატები მოქმედებს. ბრიტანული "ტელეგრაფის" მკვლევარებმა დაადგინეს, რომ მელნის შემადგენლობაში, რომელიც ჩვეულებრივი საკასო ჩეკებში იხმარება, არის ქიმიური ნაერთი, სახელად "ბისფენოლ ა".
სწორედ ეს ნაერთი იხმარება იმისათვის, რომ მელანი გამოჩნდეს თერმომგრძნობიარე ქაღალდზე, რომელიც ორგანიზმში შესაძლოა ხელიდან შევიდეს, ანუ როდესაც მამაკაცს ხელში ჯერ ჩეკი უჭირავს, შემდეგ კი ამ ხელით სახეს ან საკვებს ეხება.
42 წლის უროლოგიის პროფესორი ბერლინიდან, ფრანკ სომერი მიიჩნევს, რომ ნაერთი ბისფენოლ ა ორგანიზმში მოხვედრისას ჰორმუნალურ ბალანსს არღვევს და მამაკაცების ჰორმონების გამომუშავებას ხელს უშლის. შედეგად მამაკაცს ხანგრძლივვადიან პერსპექტივაში სექსუალური ლტოლვის დაქვეითება, ღიპი და პოტენციასთან დაკავშირებული პრობლემები ელოდება.
როდესაც ამერიკელმა სპეციალისტებმა დაადგინეს, რომ ეს ნაერთი ბავშვის საკვების ჩასასხმელ ბოთლებსა და ქილებში გამოიყენებოდა, ამ ტარის მოხმარება აკრძალეს.
