ერაყში ისლამური სახელმწიფოს დაჯგუფების დღეები დათვლილია. ამის შესახებ თეთრი სახლის ლიდერმა განაცხადა. დონალდ ტრამპმა ერაყის არმიას მოსულის გათავისუფლება მოულოცა და პირობა დადო, რომ ტერორისტთა წინააღმდეგ ბრძოლა კოალიციის სრული გამარჯვებით დასრულდება. ერაყის ქალაქ მოსულში ათთვიანი ბრძოლა სახელისუფლო ძალების გამარჯვებით დასრულდა. ქალაქის გათავისუფლების ოპერაციაში ქურთული რაზმები და კოალიციის ავიაციაც იყო ჩართული.
